నియోజ‌క‌వ‌ర్గంలో మొత్తం 2187 మందికి ల‌బ్ధి
చిలకలూరిపేట నియోజ‌క‌వ‌ర్గంలో జగనన్న తోడు ప‌థ‌కం ద్వారా రెండో విడ‌త‌లో మొత్తం 2187 మంది ల‌బ్ధి పొందుతున్నార‌ని ఎమ్మెల్యే విడదల ర‌జిని తెలిపారు. చిలకలూరిపేట రూర‌ల్ మండ‌లంలో 530 మంది, య‌డ్ల‌పాడు మండ‌లంలో 465, నాదెండ్ల మండ‌లంలో 472 మంది, చిలకలూరిపేట ప‌ట్ట‌ణంలో 720 మంది మొత్తం 2187 మంది చిరువ్యాపారుల‌కు ఒక్కొక్క‌రికి రూ.10వేల చొప్పున వ‌డ్డీ లేని రుణాలు ఇస్తున్న‌ట్లు తెలిపారు. మొత్తం రూ.2.187 కోట్ల రూపాయ‌ల రుణాలను ఇస్తున్నామ‌ని చెప్పారు. నియోజ‌క‌వ‌ర్గంలో తొలి విడ‌త‌లో రూర‌ల్ మండ‌లంలో 323 మంది, య‌డ్ల‌పాడు మండ‌లంలో 346 మంది, నాదెండ్ల మండ‌లంలో 652 మంది, చిలకలూరిపేట ప‌ట్ట‌ణంలో 1051 మంది మొత్తం 2372 మంది ల‌బ్ధిదారుల‌కు మొత్తం 2.372 కోట్ల రుణాలను అంద‌జేశామ‌న్నారు. రెండు విడ‌త‌లు క‌లిపి మొత్తం రూ.4.559 కోట్ల రూపాయ‌ల రుణాలు ఇప్ప‌టివ‌ర‌కు చిలకలూరిపేట నియోజ‌క‌వ‌ర్గానికి ద‌క్కాయ‌ని వివ‌రించారు. ఈ రుణాల‌కు సంబంధించిన వ‌డ్డీ మొత్తాన్ని ప్ర‌భుత్వ‌మే అర్హుల ఖాతాల‌కు జ‌మ‌చేస్తుంద‌ని తెలిపారు. కార్య‌క్ర‌మంలో డీఈఈ అబ్దుల్ రహీమ్,ఎంపీడీఓ లు మాధురి,మోజేశ్,సి.యం.ఎమ్ మాలతి,మూడు మండలాల ఏ.పి.యం లు,మార్కెట్ యార్డ్ చైర్మన్ బొల్లెద్దు చిన్న,మున్సిపల్ చైర్మన్ ర‌ఫాని,వైస్ చైర్మన్ కొలిశెట్టి శ్రీనివాసరావు,రాష్ట్ర ముస్లిం కార్పొరేషన్ డైరెక్టర్ షేక్ దరియా వలి,పట్టణ అధ్యక్షుడు పఠాన్ తలహా ఖాన్,నాదెండ్ల మండల అధ్యక్షుడు గొంటు శ్రీనివాసరెడ్డి,చిలకలూరిపేట మండల అధ్యక్షుడు దేవినేని శంకరరావు,కౌన్సిలర్లు విడదల గోపి,బేరింగ్ మౌలాలి,జాలాది సుబ్బారావు,నాదెండ్ల జడ్పీటీసీ అభ్యర్థి కాట్రగడ్డ మస్తాన్ రావు,నాగభైరు వెంకట్ మరియు పలువురు మహిళలు పాల్గొన్నారు.
Advertisements
