బీసీలకు మేలు చేస్తున్నది వైఎస్సార్ కాంగ్రెస్ మాత్రమే...
ఎమ్మెల్యే మాట్లాడుతూ తాము అధికారంలోకి వచ్చాక కేవలం ఏడాది వ్యవధిలో తమ సంక్షేమ పథకాల వల్ల రాష్ట్రంలో 1.78 కోట్ల మంది బీసీ లు లబ్ధి పొందారని తెలిపారు. బీసీల సంక్షేమం కోసం తమ ప్రభుత్వం పలు పథకాల ద్వారానే రూ.19,298 కోట్ల రూపాయల లబ్ధి అందజేసిందని తెలిపారు. చంద్రబాబు ఐదేళ్లలో కలిపి బీసీలకు ఇచ్చిన దాని కంటే చాలా ఎక్కువ మేము ఒక్క ఏడాదిలోనే బీసీలకు ఇచ్చామని చెప్పారు. ప్రతి మహానాడులో చంద్రబాబునాయుడు టీడీపీ అధినేత ఎన్టీఆర్ పేరును తెగ కలవరిస్తుంటారని తెలిపారు. ఇది కేవలం టీడీపీ కార్యకర్తలను దారుణంగా మోసం చేయడానికేనన్నారు. టీడీపీ అధికారంలో ఉండగా ఎన్టీఆర్కు భారతరత్న కోరుతూ ఎలాంటి తీర్మానాలు చేయదని, కేబినెట్ తీర్మానం చేసి కేంద్ర ప్రభుత్వానికి ప్రతిపాదన పంపే ఆలోచనే చేయదని, మహానాడులో మాత్రం తీర్మానాలు చేస్తుంటారని చెప్పారు. ఇది టీడీపీ కార్యకర్తలను మభ్యపెట్టటమేనని దుయ్యబట్టారు. కృష్ణా జిల్లాకు ఎన్టీఆర్ పేరు పెట్టాలని ఇప్పుడు తీర్మానం చేయడం హస్యాస్పదంగా ఉందన్నారు. రాష్ట్ర ప్రభుత్వం తలుచుకుంటే అది చాలా చిన్న పని అని, అంత చిత్తశుద్ధే ఉంటే చంద్రబాబు అధికారంలో ఉన్న ఐదేళ్లూ ఏం చేశారని ప్రశ్నించారు.
అవినీతిపై చంద్రబాబు మాట్లాడటం దెయ్యాలు వేదాలు వల్లించడమే...
మహానాడులో చంద్రబాబునాయుడు అవినీతి గురించి మాట్లాడుతుండటం చూస్తుంటే.. దెయ్యాలు వేదాలు వల్లించినట్లే ఉందని చెప్పారు. అసత్యాలు ప్రచారం చేయడానికి పెట్టేలా ఇలాంటి మహానాడులకు విలువే లేదని తేల్చారు. మహానాడులో టీడీపీ చేసిన అవినీతి గురించి చర్చించి ఉంటే బాగుండేదని హితవు పలికారు. శ్రీకాళహస్తిలో ఇసుక అక్రమ మైనింగ్ పై పోరాడుతున్న ప్రజలపైకి ఏకంగా పోలీస్ స్టేషన్ ముందు నుంచే లారీ ఎక్కించి చంపేసింది టీడీపీ కాదా అని ప్రశ్నించారు. దీని గురించి మహానాడులో ఎందుకు చర్చించలేదని నిలదీశారు. టీడీపీ ఎమ్మెల్యేలు, నాయకులు ఇసుక అక్రమంగా తరలిస్తున్నవారిని అడ్డుకున్న అధికారులపై ఏకంగా దాడులు చేసిన విషయాలను అప్పుడే మర్చిపోతే ఎలా అని దుయ్యబట్టారు. జన్మభూమి కమిటీల ద్వారా స్వయం ఉపాధి రుణాల లబ్ధిదారుల నుంచి ఇళ్ల కట్టుకుందామని ఆశపడ్డ వారి వరకు, పింఛన్ల కోసం అర్జీలు పెట్టిన వాళ్లను కూడా వదలకుండా లంచాలు వసూలు చేసిన నీచ చరిత్ర మీపార్టీది, నాయకులదు కాదా అని ప్రశ్నించారు. ఈ విషయాల గురించి మహానాడులో ఎందుకు చర్చించలేదని నిలదీశారు. చంద్రబాబును మించిన అబద్ధాల కోరు ఈ లోకంలో మరెవరూ లేరని, ఈ విషయం ప్రజలందరికీ తెలుసని చెప్పారు.
Advertisements
