చిలకలూరిపేట నియోజకవర్గంలో 13 పాజిటివ్ కేసులు నమోదు... కరోనాతో వృద్ధుడు మృతి

చిలకలూరిపేట: నియోజకవర్గం ఎడ్లపాడు మండలం లో ఈ  రోజు 12 మందికి కరోనా పాజిటివ్ వచ్చినట్లు అధికారులు ధ్రువీకరించారు. ఈనెల 17వ తేదీన ఉన్నవ, జాలాది గ్రామాలకు చెందిన 183 మందికి  నిర్వహించిన కోవిడ్  పరీక్షల్లో జాలాది గ్రామంలో ఎనిమిది మందికి, ఉన్నవ గ్రామంలో నలుగురికి కరోనా పాజిటివ్ వచ్చింది. దీంతో ఎడ్లపాడు ఇప్పటివరకు 51 మందికి కరోనా పాజిటివ్ వచ్చింది.

చిలకలూరిపేట టౌన్

చిలకలూరిపేట పట్టణం లోని దాసరి బజార్ కళామందిర్ హాల్ వెనుక గల వీధిలో ఒక యువకునికి కరోనా పాజిటివ్ వచ్చింది.  ఆ యువకుడు కళామందిర్ థియేటర్ మూల మీద ఒక టీ  స్టాల్ లో పని చేస్తున్నాడు.  గత మూడు రోజుల నుండి టీ స్టాల్ కు రాకుండా నిన్న నర్సారావుపేట లోని ఒక వైద్యశాలలో టెస్ట్ చేయించుకో గా ఆ యువకునికి కరోనా  పాజిటివ్ వచ్చినట్లు ఈరోజు నిర్ధారణ అయింది

నాదెండ్ల మండలం సాతులూరులో కరోనాతో వృద్ధుడు మృతి

చిలకలూరిపేట నియోజకవర్గం  నాదెండ్ల మండలం సాతులూరులో కొవిడ్-19 పాజిటివ్ తో హోటల్ నిర్వహకుడు (70) మృతి చెందాడు.

నాదెండ్ల మండలం సాతులూరు గ్రామంలో  ఒక హోటల్ నిర్వహిస్తున్న వ్యక్తి  కొద్ది రోజులుగా అనారోగ్యంగా బాధపడుతూ మంగళవారం  నర్సారావుపేట లోని ఒక ప్రైవేటు వైద్యశాలలో ఆ వ్యక్తి కోవిడ్ పరీక్షలు చేయించుకున్నారు.  అతనికి కరోనా  పాజిటివ్ రావడంతో నిన్న  ఉదయం  నరసరావుపేటలోని ప్రభుత్వ వైద్యశాలలో చికిత్స పొందుతూ అర్ధరాత్రి మృతి చెందాడు.

అతని మృతదేహాన్ని నరసరావుపేట పురపాలక శ్మశాన వాటికలో నర్సరావుపేట పురపాలక సిబ్బంది అంత్యక్రియలు పూర్తి చేశారు.

Advertisements

LOCAL NEWS July 22, 2020