లాక్ డౌన్ లో చిలకలూరిపేట... నేటికీ నియోజకవర్గం మొత్తం మీద 287 పాజిటివ్ కేసులు

చిలకలూరిపేట: పట్టణంలో లాక్ డౌన్ ప్రకటించడంతో పట్టణంలోని కె.బి రోడ్ లో ఉన్న అన్ని షాపులు మూసి వేశారు. బ్యాంకులు, ప్రభుత్వ, ప్రైవేటు కార్యాలయాలు అన్ని దాదాపు మూసి వేయడం జరిగింది. చలివేంద్ర బజార్, మెయిన్ బజార్, స్టీల్ కోట్ల బజార్ అన్ని వ్యాపార సంస్థలు ఈ రోజు ఉదయం నుండి మూసివేశారు.

అయితే ప్రభుత్వ కార్యాలయం ఒక సబ్ రిజిస్ట్రార్ కార్యాలయం మాత్రం తెరిచి తమ కార్యకలాపాలను యధావిధిగా నిర్వహించారు. పట్టణంలో అన్ని బజార్లలో అర్బన్ పోలీసులు సి.ఐ టి.వెంకటేశ్వర్లు, ఎస్సైలు రాంబాబు, షఫీ లు తిరిగి జనం తిరగకుండా చేశారు. నియోజకవర్గం మొత్తం మీద ఇప్పటి వరకు సుమారు 287 కరోనా కేసులు నమోదయ్యాయి.

ఈ కేసుల సంఖ్య ఇంకా పెరిగే అవకాశాలు ఉన్నాయి. ఈ రోజు రికార్డు స్థాయిలో వేలూరు గ్రామంలో ఒకే ప్రాంతంలో 18 కేసులు రావడంతో ఆ గ్రామం ఉలిక్కిపడింది. అధికారులు హుటాహుటిన ఆ ప్రాంతాల్లో హైపో క్లోరయిడ్ సోడియం చల్లి కంటైన్మెంట్ జోన్ ను ఏర్పాటు చేశారు.

Advertisements

LOCAL NEWS July 24, 2020