★ ప్రధాని మోదీకి రాజధాని రైతులు, మహిళలు బహిరంగ లేఖ రాశారు.
★ రాజధాని రైతులపై రాష్ట్ర ప్రభుత్వ వేధింపులు ఆపేలా కేంద్రం చర్యలు తీసుకోవాలని కోరారు.
★ అలాగే అమరావతిని కాపాడేలా పార్లమెంట్లో ప్రకటన చేయాలని లేఖలో విజ్ఞప్తి చేశారు.
★ ఇన్ సైడర్ ట్రేడింగ్ పేరిట రాజధాని రైతులపై పెద్ద ఎత్తున కుట్ర జరుగుతోంది.
★ కుటుంబ అవసరాల కోసం భూములు అమ్ముకున్నా.. సిట్, సీఐడి, సబ్ కమిటీ పేర్లతో వేధింపులకు గురిచేస్తున్నారు.
★ ప్రభుత్వం రైతులతో న్యాయబద్ధంగా చేసుకున్న ఒప్పందాన్ని గౌరవించడం లేదు.
★ కనీసం అమరావతి హద్దులు కూడా తెలియకుండా నోటికొచ్చిన విమర్శలు చేస్తున్నారు.
★ అమరావతిపై ఆక్రోశం వెళ్లగక్కే నాయకులతో సబ్ కమిటీ ఏర్పాటు చేసి రాజధానిపై బురద చల్లుతున్నారు.
★ జూన్‌ 2, 2014 నుంచి రాజధాని ప్రకటన వరకు అమరావతిలో క్రయవిక్రయాలు జరిగింది 128 ఎకరాలు మాత్రమే.
★ పేద రైతుల పిల్లల చదువులు, పెళ్లిళ్ల కోసం జరిపిన విక్రయాలు కూడా ఇన్ సైడ్ ట్రేడింగేనా..?
★ కడపలో ముఖ్యమంత్రి కుమార్తె పేరిట కొన్న భూములు కూడా ఇన్ సైడ్ ట్రేడింగానే భావించాలా..?
★ పేదలకు ఇళ్ల స్థలాల మాటున రాష్ట్రంలో పెద్దఎత్తున వన్ సైడ్ ట్రేడింగ్ జరుగుతోంది.
★ ఈ భారీ కుంభకోణం నుంచి ప్రజల దృష్టిని మరల్చేందుకు మాపై అవినీతి ముద్ర వేస్తున్నారు అని ప్రధానికి రాసిన లేఖలో రైతులు, మహిళలు అవేదన వ్యక్తం చేశారు.
Advertisements
