రాష్ట్రంలో వైకాపా ప్రభుత్వం అధికారంలోకి వచ్చాక తెదేపా కార్యకర్తలు, పార్టీ సానుభూతి పరుల ఆస్తులను ధ్వంసం చేశారని చంద్రబాబు ఆవేదన వ్యక్తం చేశారు. భూములు సాగు చేసుకోనివ్వకుండా అడ్డుపడటం, తోటలు తగులపెట్టడం, బోర్లు ధ్వంసం చేయడం వంటి తదితర అరాచకాలకు పాల్పడ్డారని అన్నారు. ఈ విషయంలో డీజీపీ తక్షణమే స్పందించి దాడులకు పాల్పడిన నిందితులపై కఠిన చర్యలు తీసుకోవాలని ఆయన డిమాండ్ చేశారు. దాడిలో గాయపడిన వారికి మెరుగైన వైద్యం అందించేలా చూడాలన్నారు. బాధిత ప్రజానీకానికి అండగా ఉండాలని ఈ సందర్భంగా పార్టీ నేతలకు చంద్రబాబు పిలుపునిచ్చారు.
Advertisements
