భారతదేశానికి చెందిన సారెగామా సంస్థ 25కు పైగా భాషల్లోని సినిమాలు, భక్తి సంగీతం, గజల్స్, ఇండిపాప్ సహా వివిధ శైలుల్లోని లక్షకుపైగా పాటలను కలిగివున్న పురాతన సంస్థ. 'ఫేస్బుక్, ఇన్స్టాగ్రామ్తో చేసుకొన్న ఒప్పందంతో లక్షల్లో ఉన్న ఫేస్బుక్ వినియోగదారులకు మా విస్తారమైన క్యాటలాగ్ నుంచి సంగీతాన్ని వారివారి కథలు, వీడియోలు, ఇతరత్రా సృజనాత్మకత అంశాలకు జోడించుకొనే అవశాకాం కలుగుతుంది' అని సారెగామా ఇండియా మేనేజింగ్ డైరెక్టర్ విక్రమ్ మెహ్రా చెప్పారు. 'ఫేస్బుక్లో సంగీతం స్వీయవ్యక్తీకరణలో అంతర్భాగం. సంగీతాన్నిమా వినియోగదారులకు మరింత దగ్గరగా తీసుకురాగలుతున్నాం. సారెగామాతో భాగస్వామ్యం ఎంతో గర్వంగా ఉన్నది' అని ఫేస్బుక్ ఇండియా డైరెక్టర్, పార్ట్నర్షిప్ హెడ్ మనీష్ చోప్రా అన్నారు.
గతంలో గ్రామ్ఫోన్ కంపెనీ ఆఫ్ ఇండియాగా పిలువబడే సారెగామా ఇండియా కంపెనీ.. భారతదేశంలోనే అతిపెద్ద మ్యూజిక్ ఆర్కైవ్లను కలిగివున్నది. ఇది ప్రపంచంలోనే అతి పెద్దదిగా కూడా చెప్పుకోవచ్చు. భారత్లో ఇప్పటివరకు రికార్డ్ చేసిన మొత్తం సంగీతంలో దాదాపు 50 శాతం సారెగామా సంస్థ నుంచే రావడం ఈ సంస్థ ఆధిపత్యాన్ని వెల్లడిస్తున్నది. సారెగామా ఇండియా కేవలం సంగీత విభాగంలోనే కాకుండా ప్రచురణ, సినిమా నిర్మాణం, డిజిటల్ కంటెంట్ అభివృద్ధి రంగాల్లో కూడా వ్యాపారం విస్తరించింది.
Advertisements
