2018లో విడుదలైన జీరోలో మాధవన్ నాసా శాస్త్రవేత్తగా అతిధి పాత్ర పోషించారు. అందుకు ప్రత్యుపకారంగా రాకెట్రీలో మెరిసేందుకు షారుఖ్ అంగీకరించారట. కాగా, పద్మభూషణ్ అవార్డు గ్రహీత నంబి నారాయణన్ నిజ జీవిత కథ ఆధారంగా ఈ చిత్రం తెరకెక్కనుంది. దేశద్రోహానికి పాల్పడ్డాడని ఆరోపణలు ఎదుర్కొన్న ఈ మాజీ ఇస్రో శాస్త్రవేత్త, చివరకు ఏ నేరమూ చేయలేదని నిరూపణ అయింది. చిత్రంలో నారాయణన్ పాత్రను మాధవన్ పోషించనున్నారు. అంతే కాకుండా రచన, దర్శకత్వం, నిర్మాణ బాధ్యతలు వహిస్తున్నారు. నారాయణన్ను ఇంటర్వ్యూ చేసి ఆయన కథను ప్రపంచానికి వెల్లడించే విలేకరి పాత్రను షారుఖ్ పోషించనున్నట్టు సమాచారం. ఈ పాత్రకు షారుఖ్ మాత్రమే వంద శాతం న్యాయం చేయగలరని మాధవన్ అన్నారు.
ఇక మరో బాలీవుడ్ చిత్రం బ్రహ్మాస్త్రలో కూడా సూపర్ స్టార్ షారుఖ్ ఓ ప్రత్యేక పాత్ర పోషించనున్నారనే సంగతి తెలిసిందే. ప్రేక్షకులకు ఓ కొత్త ప్రపంచాన్ని పరిచయం చేసే శాస్త్రవేత్తగా ఆయన ఈ ఫాంటసీ చిత్రంలో కనిపించనున్నారు. రణ్బీర్ కపూర్, ఆలియా భట్ జంటగా నటిస్తున్న ఈ చిత్రంలో... అమితాబ్ బచ్చన్, మౌనీ రాయ్ ముఖ్యపాత్రలు పోషిస్తున్నారు.
Advertisements
