పాశ్చాత్య దేశాలలో తరగతి గదులు విస్తీర్ణం, తరగతి గదులలో విద్యార్థుల సంఖ్య విషయాలలో వారు ఖచ్చితమైన ప్రమాణాలు పాటిస్తారు. కానీ మన దేశంలో, రాష్ట్రంలో ప్రభుత్వ నిర్దేశిత నియమాల పరంగా ఒక్క పాఠశాల కూడా నిర్వహించని పరిస్థితి నెలకొని ఉన్నది. ప్రమాణాలు పాటించే దేశాలలోనే పాఠశాలల విషయంలో చేతులెత్తేసిన స్థితి నెలకొంటే, క్లాసుకు 50 నుండి 100 మంది విద్యార్థులతో నడిపే మన పాఠశాలలో వైరస్ పూర్తిస్థాయి వ్యాక్సిన్ రాక మునుపే తరగతులు ప్రారంభిస్తే ప్రభుత్వం సామాజిక వ్యాప్తిని ఎలా నియంత్రిస్తుంది. ఒకవైపు విద్యార్థులు తల్లిదండ్రులు బడులకు పిల్లలు పంపాలో పంపకూడదో అర్థం కాని స్థితిలో ఉన్నారన్నారు.
ఇప్పటికే రాష్ట్రంలో మూడు లక్షల యాభై వేల కేసులకు చేరుకుని 4,000 మంది కరోనాకు బలి అయ్యారు. రాష్ట్ర ప్రభుత్వ యంత్రాంగం కరోనా నియంత్రణలో వైఫల్యం చెందింది. వచ్చే నెల 5వ తేదీ నుండి పాఠశాలలు మొదలై తద్వారా సామాజిక వ్యాప్తి ప్రబలితే ప్రభుత్వం ప్రజలను ఎలా కాపాడుతుందో, ఏం చర్యలు ఈ దశలో తీసుకుంటున్నారో ప్రజలకు తెలియ చేసి పాఠశాలలను ప్రారంభించాలని డిమాండ్ చేశారు. కరోనాకు పూర్తిస్థాయి వ్యాక్సిన్ వచ్చాక పాఠశాలలు ప్రారంభిస్తే అందరికీ ఆమోద యోగ్యoగా ఉంటుందని తెలిపారు. ఈ సమావేశంలో షేక్ కరిముల్లా, పఠాన్ సమద్ ఖాన్, బండారుపల్లి సత్యనారాయణ, జవ్వాజి మదన్ మోహన్, షేక్ అజారుద్దీన్, మురకొండ మల్లిబాబు పాల్గొన్నారు.
Advertisements
