సెల్‌ఫోన్ పేలి ముగ్గురు మృతి

సెల్‌ఫోన్లను ఉపయోగించే విషయంలోచాలా జాగ్రత్తలు పాటించాలి. లేకపోతే ఒక్కోసారి అవే ప్రమాదాలు తెచ్చిపెడుతుంటాయి. తమిళనాడులో ఇలాంటి ఘటన ఒకటి చోటు చేసుకుంది. ఈ ప్రమాదంలో ఏకంగా ఒకే కుటుంబానికి చెందిన ముగ్గురు చనిపోయారు. రాష్ట్రంలోని కరూర్ జిల్లాలో ఈ విషాదం చోటు చేసుకుంది. నిన్న రాత్రి  సెల్‌ఫోన్‌ ఛార్జింగ్ పెట్టి ఇద్దరు పిల్లలతో కలిసి నిద్రలోకి జారుకుంది ముత్తులక్ష్మీ అనే మహిళ. అయితే ప్రమాదవశాత్తు ఆ సెల్‌ఫోన్ పేలిపోవడంతో.. ఇంట్లో ఒక్కసారిగా మంటలు చెలరేగాయి. ఇంట్లో మంటలు వ్యాప్తి చెందడటంతో ముత్తులక్ష్మీతో పాటు ఆమె ఇద్దరు పిల్లలు రంజిత్, దక్షిత్ మృతి చెందారు. ఘటనపై కేసు నమోదు చేసుకున్న పోలీసులు దర్యాప్తు చేపట్టారు.

Advertisements

NATIONAL NEWS August 10, 2020