ఆగని మద్యం, గుట్కా దందా... చిలకలూరిపేట వాసులు అరెస్ట్

చిలకలూరిపేట: పట్టణంలో తెలంగాణ నుంచి అక్రమంగా మద్యం, గుట్కాలు తెస్తూ ఇరువురు వ్యక్తులు వేర్వేరు ప్రాంతాల్లో ఒక వారంలో పట్టుబడ్డారు. చిలకలూరిపేట పట్టణం మదర్ తెరిసా కాలనీకి చెందిన ఒక వ్యక్తి ఈ నెల 19వ తేదీన తెలంగాణ మద్యాన్ని తీసుకొస్తూ పొందుగల చెక్పోస్ట్ వద్ద పట్టుబడ్డారు. నాలుగు లక్షల రూపాయల మద్యం పొందుగల చెక్ పోస్ట్ వద్ద గురజాల సిఐకు పట్టుకున్నారు. మద్యంతో పాటు వాహనం కూడా స్వాధీనం చేసుకొని పట్టణానికి చెందిన ఇరువురు వ్యక్తులపై కేసు నమోదు చేసి, నాలుగు లక్షల విలువైన మద్యం పోలీసులు సీజ్ చేశారు.

అలానే తాజాగా ఈ రోజు పట్టణానికి చెందిన ఇరువురు వ్యక్తులు ఇతర రాష్ట్రం నుంచి తేస్తున్న 75 బ్యాగుల గుట్కా, 20 మద్యం సీసాలను నరసరావుపేట సమీపంలోని రావిపాడు వద్ద పోలీసులు పట్టుకొని వారి వద్ద నుండి గుట్కా, 20 మద్యం బాటిళ్లను, మినీ వ్యాన్ కూడా స్వాధీనం చేసుకుని ఇరువురిపై కేసు నమోదు చేశారు. అయితే, పట్టణంలోని పురుషోత్తపట్నం, అడ్డరోడ్డు వద్ద శాంతి నగర్ కు చెందిన ఇంకొక వ్యక్తి అక్రమ మద్యం అమ్ముతూ ఉన్నా కానీ సంబంధిత ఎక్సైజ్ అధికారులు పట్టీపట్టనట్లు వ్యవహరించటంపై పలు అనుమానాలు వ్యక్తమవుతున్నాయి.

Advertisements

LOCAL NEWS August 27, 2020