చిలకలూరిపేట పట్టణంలోని జాతీయ రహదారికి ఆనుకొని ఒక స్మశాన వాటిక పక్కన రోడ్డుపై భూమిలో నుంచి నీటి జలధార కొన్ని నెలల నుండి వస్తున్నా మున్సిపల్ అధికారులు పట్టించుకున్న దాఖలాలు లేవని చుట్టుపక్కల వారు చెబుతున్నారు. లీకుల వల్ల త్రాగునీరు వృధా కాకుండా చేయలేకపోతున్నారని అధికారులపై, సిబ్బందిపై తీవ్ర ఆరోపణలు ఉన్నాయి. లక్షలకు లక్షలు లీకుల పేరుతో బిల్లులు చేసుకుంటున్నట్లు, ఈ విషయంపై గత కొద్ది రోజుల క్రితం జిల్లా ఉన్నతాధికారులకు మాజీ ప్రజా ప్రతినిధులు ఫిర్యాదులు కూడా చేసినట్లు తెలుస్తుంది. లీకులు సరి చేయటానికి అవుట్సోర్సింగ్లో పని చేస్తున్న వ్యక్తులను వినియోగించుకొని, టెండర్ల ద్వారా చేయించుకున్నట్లు వాటికి కూడా బిల్లులు చేసుకున్నట్లు కూడా విశ్వసనీయంగా ఆరోపణలు వెల్లువెత్తుతున్నాయి. కుళాయిల లీకుల పేరుతో లక్షల రూపాయలు బిల్లులు చేసు కోవడమే ధేయంగా కాకుండా... లీకులు సరిచేసి కుళాయిల ద్వారా కలుషిత నీరు కాకుండా మంచినీరు వచ్చేలా చేసి ప్రజారోగ్యం కాపాడాలని పుర ప్రజలు కోరుతున్నారు.
Advertisements
