చిలకలూరిపేట: పట్టణ పురపాలక సంఘం పరిధిలో ప్రజలకు అందుబాటులో ఉండని ఏకైక అధికారి మున్సిపల్ కమిషనర్ అని టిడిపి జిల్లా ఉపాధ్యక్షులు షేక్ కరీముల్లా ధ్వజమెత్తారు. పట్టణ పురపాలక సంఘం పరిధిలో ఏమైనా సమస్యలు ఉంటే మున్సిపల్ కమిషనర్ కు తెలియజేయాలంటే ఆయన అందుబాటులో ఉండటం లేదని విజ్ఞాపన పత్రం ఇవ్వాలంటే కిందిస్థాయి సిబ్బందికి ఇవ్వాల్సిన పరిస్థితి ఎదురైంది అని తెలిపారు. కనీసం మున్సిపల్ అధికారి పట్టణంలోని వార్డుల్లో తిరిగిన దాఖలాలు కూడా లేవని తెలిపారు.
పట్టణంలో పారిశుధ్యం లోపించి వైరల్ ఫీవర్లు పెరిగిపోతున్నాయని, అది వైరల్ ఫీవరా, డెంగ్యూ జ్వరంనా లేక కరోనా నా అని అర్థం కాక జనం అవస్థలు పడుతున్నారని... ఇదంతా మున్సిపల్ అధికారుల వైఫల్యం మాత్రమేనని వీరు పేర్కొన్నారు. ఇకనైనా మున్సిపల్ కమిషనర్ తీరు మారకపోతే అఖిల పక్షం ఉద్యమిస్తోందని టిడిపి జిల్లా ఉపాధ్యక్షుడు కరిముల్లా మీడియాకు తెలిపారు.
