చిలకలూరిపేట: హాయ్ పది వేలు ఉంటే ఫోన్ పే చెయ్యి ప్లీజ్...

చిలకలూరిపేట: హాయ్ ఫ్రెండ్ బాగున్నావా... ఏం చేస్తున్నావ్... అంటూ కుశల ప్రశ్నలు వేశాడు ఫేస్‌బుక్ లో ఒక స్నేహితుడు. బాగానే ఉన్నాను... ఎక్కడున్నావ్ అని అడిగితే ఇక్కడే ఉన్నాను లే అన్నాడు. సరేలే గాని నాకు అర్జెంటుగా ఒక పదివేలు కావాలి ఈ నెంబర్కు ఫోన్ పే ద్వారా పంపు అంటూ మెసేజ్లు పెట్టి డబ్బు అడిగాడు. చిలకలూరిపేట పట్టణంలోని ఒక వ్యక్తికి రెండు రోజుల క్రితం ఫేస్‌బుక్ లో ఒక ఉద్యోగి ఫోటోతో, పేరుతో ఫేక్ ఐడీతో ఫేస్‌బుక్ అకౌంట్ ఓపెన్ చేసి పదివేలు పంపమని అడిగాడు.  తీరా అతగాడికి అనుమానం వచ్చి ప్రొఫైల్ చూడగా ఆ ఫోటోలో ఉన్న వ్యక్తి వయసు ఫోన్ నెంబర్ వేరేగా వుంది.  వెంటనే ఫోటోలో ఉన్న వ్యక్తికి ఫోన్ చేయడంతో అది ఫేక్ అని తెలిసింది. సదరు ఫోటోలోని వ్యక్తి వెంటనే స్పందించి ఇటువంటి మెసేజ్లు నా పేరుతో వస్తే నమ్మవద్దు... ఇది ఫేక్ ఫేస్‌బుక్ ఐడి అని వెంటనే ఫేస్ బూక్లో పెట్టాడు. ఆ విషయం  తెలుసుకున్న వ్యక్తి రూ.10,000 పంప లేదు. పట్టణంలో అలా కొంత మందికి ఫేస్‌బుక్ లో మనీ కావాలని ఫేక్ ఐడీతో సైబర్ నేరగాళ్లు అమాయకులను వలవిసిరి మోసం చేయాలని చూస్తున్నారు. సోషల్ మీడియా ద్వారా డబ్బులు అడిగితే ఇవ్వొద్దని ఒకపక్క పోలీస్ అధికారులు చెబుతున్నారు. సైబర్ నేరగాళ్ల మాయలో పడకుండా ఇటువంటివి జరిగితే పట్టణ పోలీస్ స్టేషన్లో ఫిర్యాదు చేయాలని పోలీసులు చెప్పారు.

Advertisements

LOCAL NEWS February 23, 2021