చిలకలూరిపేట పట్టణ మున్సిపల్ పరిధిలోని గణపవరం జాతీయ రహదారికి ఆనుకుని ఉన్న ఒక కంపెనీలో ఆఫీసులో పనిచేసే తొమ్మిది మంది సిబ్బందికి కరోనా వచ్చినట్లు తెలుస్తుంది. ఆ కంపెనీలో పనిచేసే మేనేజర్ కుటుంబం ద్వారా మేనేజర్ కు అతని ద్వారా సిబ్బందికి కరోనా సోకినట్లు వైద్య అధికారుల విచారణలో తేలింది. ఇరువురితో పాటు ఆ కంపెనీలో తొమ్మిది మందికి ఒకేసారి కరోనా నిర్ధారణ కావడంతో వారి వారి కుటుంబ సభ్యులు సైతం కరోనా నిర్ధారణ పరీక్షలు చేయించుకున్నారు. ప్రాథమిక వైద్య ఆరోగ్య శాఖాధికారి డాక్టర్ గోపి నాయక్ ఆ కంపెనీకి వెళ్లి ఆ విభాగాన్ని మూసివేయించి నట్లు తెలుస్తుంది. గత రెండు రోజుల నుండి చిలకలూరిపేట లో కరోనా కేసులు పెరుగుతున్నాయి. శుక్రవారం ఆరు కేసులు నమోదు కాగా... శనివారం ఒక్కరోజే 11 మందికి కరోనా రావడంతో చిలకలూరిపేట ప్రాంతములో కరోనా విస్తరించనున్నట్లు తెలుస్తోంది...
Advertisements
