చిలకలూరిపేట: గత కొద్ది రోజుల నుండి కురుస్తున్న భారీ వర్షాలకు చిలకలూరిపేట పట్టణ పరిసర ప్రాంతాల్లో రోడ్లు అక్కడక్కడ గోతులమయం వర్షపు నీటితో ప్రజలు అనేక ఇబ్బందులు పడుతున్నారు. అయితే ఒక కాంట్రాక్ట్ చేసిన తప్పిదానికి తాము ఇళ్లలోకి వెళ్ళటానికి ఇబ్బంది పడుతున్నామని.... ఆ బురద మట్టిలో జారీ కొంతమంది పడ్డారని ఆవేదన వ్యక్తం చేశారు ఆ ప్రాంతవాసులు. చిలకలూరిపేట పట్టణంలోని బ్రహ్మంగారి గుడి బజార్, వోగేరు వాగు రోడ్డులో సుమారు 150 కుటుంబాల వారు నివసిస్తున్నారు. అయితే వాగు పై నుండి బ్రిడ్జి నిర్మిస్తుండటంతో ఆ ప్రాంతంలో గ్రావెల్ వేయవలసిన కాంట్రాక్టర్ బురదమట్టిని రోడ్డుపై వేయడంతో కురుస్తున్న భారీ వర్షాలకు బురద మట్టి రోడ్డు మయమైంది. ఈ సమస్యతో ఆ చుట్టుపక్కల ప్రజలు ఇళ్లలోకి వెళ్లాలంటే నరకం అగుపడుతుందని చెప్తున్నారు. బురద మట్టిపై జారి పడకుండా సదరు కాంట్రాక్టర్ వాటిపై డస్ట్ గాని ఇసుక గాని వేయవలసిందిగా ఆ ప్రాంత ప్రజలు వేడుకుంటున్నారు.
Advertisements
