ఈ సమావేశంలో కౌన్సిల్ ప్రతిపక్ష నాయకుడు గంగా శ్రీనివాసరావు మాట్లాడుతూ ప్లాస్టిక్ కవర్లపై బతుకుతున్న చిన్న వ్యాపారులపై కక్ష సాధించవద్దని ఉత్పత్తి చేస్తున్న ఫ్యాక్టరీలను నిలుపుదల చేసేలా ప్రభుత్వం వెంటనే చర్యలు తీసుకోవాలని కోరారు. ఈ విషయంపై చైర్మన్ రఫాని మాట్లాడుతూ చిన్న వ్యాపారులపై తమకు ప్రేమ ఉందని ...వారిని ఇబ్బంది పెట్టడం తమ లక్ష్యం కాదని... ప్రభుత్వ ఉత్తర్వుల మేరకే తాము ఈ ప్రతిపాదనలు సమావేశంలో పెట్టినట్లు వివరించారు. ఈ విషయంపై మున్సిపల్ కమిషనర్ వివరణ ఇస్తూ ప్రభుత్వం కేంద్ర ప్రభుత్వం ఇచ్చిన ఆదేశానుసారం గ్రీన్ ట్రిబ్యునల్ తదితర విభాగాల వారు చేసిన ఉత్తర్వులు ప్రకారం మాత్రమే ఉత్పత్తిదారులను రాష్ట్ర ప్రభుత్వం నిషేధించే అవకాశాలు ఉన్నాయని తెలిపారు.
చిన్న కవర్లు తెచ్చుకొని అమ్ముకునేవారు గత కొన్ని నెలల నుండి స్టాక్ పెట్టుకోవద్దని తాము చెబుతున్నామని మున్సిపల్ కమిషనర్ కౌన్సిల్ సభ్యులు తెలియజేయగా... రెండు వారాల గడువు ఇచ్చి పూర్తి స్టాక్ అమ్ముకునేలా చేయాలని కౌన్సిల్ పక్ష నేత గంగా శ్రీనివాసరావు కోరడంతో చైర్మన్ రెండు వారాల గడువు ఇచ్చి వాటిని పర్యవేక్షించాలని శానిటరీ ఇన్స్పెక్టర్లను ఆదేశించారు.
6 వేలు లంచం ఇవ్వాలట...
సమావేశంలోని అంశాలు చర్చించిన అనంతరం వైసిపి కౌన్సిలర్ ఎడ్ల ఇందిర మాట్లాడుతూ మా వార్డులో వందలాది కుటుంబ లకు గత 25 రోజుల నుండి మంచిని రావడంలేదని బిందెలు తెచ్చి ధర్నా చేద్దామనుకున్నామని తెలిపారు. వార్డులో వాటర్ కు సంబంధించి ఏ పని అడిగిన లంచం అడుగుతున్నారని ఒకరు 6000 రూపాయలు లంచం అడిగారని ఆరోపించారు.
చిలకలూరపేట లీకులమయం...
అనంతరం పలువురు సభ్యులు మాట్లాడుతూ పండరీపురం, పోలిరెడ్డి పాలెం, చౌత్ర సెంటర్ తదితర ప్రాంతాల్లో లీకులు ఉన్నాయని వాటిని సరిచేయాలని కోరారు.
అతనిని మార్చరా... చైర్మన్కు చెప్పిన కౌన్సిలర్లు
వాటర్ వర్క్స్ విభాగంలో ప్రకాష్ అనే వ్యక్తిని ఎందుకు మార్చరని గత కొన్నేళ్లుగా పాతుకుని పోయి ఇష్టం వచ్చినట్లు డబ్బు వసూలు చేస్తున్నాడని పాలక్పక్ష, ప్రతిపక్ష కౌన్సిలర్లు కౌన్సిల్ సమావేశానంతరం మున్సిపల్ చైర్మన్ కు తెలిపారు. ఈ విషయం పై స్పందించకపోతే వచ్చే సమావేశంలో వూరు కునేది లేదని తెలిపారు.
Advertisements
